Cad is Naíonra ann?
Grúpa páistí a thagann le chéile go rialta (2-3.5 uair a chloig sa lá) i dtimpeallacht thaitneamhach faoi stiúir Stiúrthóra atá i Naíonra. Cuireann foireann an Naíonra gach deis ar fáil don ghrúpa chun forbairt iomlán an pháiste idir fhorbairt fhisiciúil, intleachtúil, chruthaitheach, aeistéitiúil, shóisialta, mhothúchánach agus teanga a chur i gcrích. Trí Ghaeilge a déantar obair an Naíonra. Modh an tsúgartha an cur chuige a húsáidtear mar gurb é is oiriúnaí mar mhodh foghlama do pháistí ag an tréimhse seo.
Cur chuige an Naíonra
Sealbhú seachas múineadh teanga a bhíonn i gceist sa Naíonra. Cloiseann na páistí an Ghaeilge á labhairt ag an Stiúrthóir an t-am ar fad. Tuimoideachas a ghlaotar ar an modh seo. Sa tumoideachas, foghlaimíonn an páiste trí mheán an dara teanga. Tuigtear an méid a deir an páiste ina chéad teanga ach freagraítear é sa dara teanga, agus cuirtear na focail atá uaidh ar fáil dó. Tosóidh an páiste ag caint nuair a bheidh sé ulllamh chuige, gach duine ina am féin.
|
“Immersion education is regarded by many as the most effective means of learning a second language. Most immersion students can be expected to reach higher levels of second language proficiency than students in other school-based language programmes (Met, 1998).”
“From the standpoint of academic achievement, over three decades of studies consistently show that immersion students achieve as well as, or better than, non-immersion peers on standardized measures of verbal and mathematics skills administered in English (Cloud, Genesee & Hamayan, 2000; Genesee, 1987).”
|
Buntáistí an Oideachais Dátheangaigh
- Leibhéal inniúlachta níos airde sa dá theanga do dháltaí sa chóras tumoideachais. Cumarsáid níos forleithne (teaghlach, pobal, cairde, fostaíocht), dá bharr
- Inchultúrú níos forleithne (ag foghlaim agus ag glacadh fút féin luachanna cultúir eile); ilchultúrachas níos doimhne; caoinfhulaingt cultúir eile níos fearr
- Litearthacht i dhá theanga (léamh agus scríobh i dhá theanga)
- Gnóthachtáil mhéadaithe curaclaim
- Buntáistí smaointeoireachta (cruthaitheacht, íogaireacht cumarsáide)
- Féinmhuinín níos airde
- Diongbháilteacht féiniúlachta
- Buntáistí eacnamaíochta agus fostaíochta
Foinse: Baker 2003 (oiriúnaithe ó Ghaelscoileanna Teo.)
